Տաք ամիսներին Երևանում օդի որակը բավականին լավն է․ Տիգրան Ավինյան
Քաղաքական
Մենք ամբողջ քաղաքում ունենք տեղադրված մոտ 160 օդի որակի չափիչ սարքեր, որոնք տեղադրված են ամենախոշոր շինարարությունների վայրերում։ Ավելի տաք ամիսներին Երևան քաղաքում օդի որակը բավականին լավն է, իսկ ավելի ցուրտ ամիսներին, և մասնավորապես՝ ձմռանը, Երևանում օդի որակն իրապես ոչ այնքան բարվոք է։ Այս մասին ասել է Երևանի քաղաքապետ Տիգրան Ավինյանը՝ պատասխանելով քաղաքացու՝ օդի որակի վերաբերյալ հարցին։
«Մենք կենտրոնացրել ենք մեր ծրագրերը բոլոր այն ուղղություններով, որոնք մեզ թույլ կտան էականորեն փոխել օդի որակը ձմռան ամիսներին, մասնավորապես մեր քառամյա ծրագրով կենտրոնացած ենք լինելու հանքարդյունաբերության վրա, կարգավորումներ ենք ունենալու ներքին այրման շարժիչով ավտոմեքենաների համար, կանաչապատման ուղղությամբ ենք աշխատանքներ պլանավորում։
Վերջին 3 տարիներին մոտ 50 հա կանաչ տարածքներ ենք ստեղծել՝ իրենց ոռոգման համակարգով, որոնք նույնպես նպաստում են Երևանում օդի որակի բարելավմանը»,– ասել է նա։
ՈՒՂԻՂ ԵԹԵՐ
Ամենադիտված 
Նազենի Հովհաննիսյանը՝ գեղեցիկ կարգավիճակում (տեսանյութ)
