Որոշ հանքավայրեր 15–20 տարի հետո կարող են չլինել, նոր որոնումներ պետք է իրականացնել․ նախարար

Որոշ հանքավայրեր, օրինակ, 15–20 տարի հետո կարող են չլինել, հետևաբար նոր որոնումներ պետք է իրականացնել, քանի որ եթե սա մեզ համար առաջնային ոլորտ է, այստեղ շարունակենք ներդրումները և այն մնա տնտեսության կարևոր ճյուղերից մեկը։ Այս մասին լրագրողների հետ զրույցում ասաց Էկոնոմիկայի նախարար Գևորգ Պապոյանը։

Նա նաև կարևորեց ժամանակակից պայմաններին համապատասխան բնապահպանական ստանդարտներ ունենալը․ «Շատ կարևոր է, որ հանքարդյունաբերությունը միայն տնեսական օգուտներ բերի։ Իսկ եթե բնապահպանական խնդիրներ պետք է առաջացնի, ապա դրանք հանրության համար մաքսիմալ նվազագույն լինեն»,– նշեց նա։

Նախարարն ընդգծեց՝ արտադրական շղթաները պետք է երկարացնել․ «Մենք ի վերջո անցնելու ենք ավելի բարդ, ավելի երկար արտադրական շղթաների, տնտեսապես ավելի բարդ արտադրանքներ ենք թողարկելու, որովհետև էկոնոմիկայի նախարարության խնդիրներից մեկը մեր տնտեսության բարդության աստիճանը մեծացնելն է»,– ասաց Պապոյանը։