Գերմանիայի ոստիկանությունը չկարողացավ բացահայտել Մյունխենի օդանավակայանի վրայով անցած դրոնների ծագումը

Գերմանիայի ոստիկանությանը դեռ չի հաջողվել պարզել այն դրոնների ծագումը, որոնք հայտնվել էին Մյունխենի օդանավակայանի երկնքում շաբաթ օրը լուսադեմին։ Ինչպես գրում է Bild-ը, դռոնները նկատվել էին միաժամանակ թե՛ հյուսիսային, թե՛ հարավային թռիչքուղիների վրայով։

Իրավապահների խոսքով՝ յուրաքանչյուր դրոն հայտնվելուց անմիջապես հետո շրջվել և անհետացել է, ինչի պատճառով դրանք հնարավոր չի եղել նույնականացնել։ Օդանավակայանի ներկայացուցիչ Շտեֆան Բայերը նշել է, որ դեռ պարզ չէ՝ որտեղից են բարձրացել այդ սարքերը և չի հայտնել, թե ինչ քայլեր են ձեռնարկվելու դրանց ծագումը պարզելու համար։

Ավելի վաղ համացանցում տարածվել էին տեսանյութեր, որոնցում երևում էին դռոնները, ինչի հետևանքով ժամանակավորապես դադարեցվել էր Մյունխենի օդանավակայանի աշխատանքը։ Ըստ հրապարակված տվյալների՝ դրանք պատկանել են ինքնաթիռային տիպի սարքերին։