«Աշխարհը ուզում են բաժանել, մեզ պետք է պարզապես գոյատևել». Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ աշխարհը կանգնած է նոր վերաձևման առաջ, և իր երկրի հիմնական խնդիրը հիմա գոյատևելն է։ Այս մասին նա ասել է Գոմելի մարզ կատարած աշխատանքային այցի ընթացքում, հաղորդում է «БелТА»-ն։

«Աշխարհը ուզում են բաժանել։ Մեզ այլ ելք չի մնացել։ Պետք է գոյատևենք։ Հակառակ դեպքում կվերադառնանք լապտյակներով քայլող պոլեշուկների կյանքին», – ասել է նա՝ ընդգծելով տարածաշրջանի զարգացման անհրաժեշտությունը։

Լուկաշենկոն հավելել է, որ հատկապես կարևոր է զարգացնել և «խելքի բերել» Պոլեսիեի տարածքը։ Ավելի վաղ նա նշել էր, որ Բելառուսի և Գերմանիայի հարաբերությունների վերականգնումը բարդ կլինի, սակայն կարող է լինել երկու երկրների ժողովուրդների շահերից բխող քայլ։