Լիտվան սպառնում է փակել սահմանը Բելառուսի հետ՝ օդապարիկների նոր միջադեպերի դեպքում

Լիտվան լիովին կփակի իր սահմանը Բելառուսի հետ, եթե կրկնվեն օդապարիկների (մետեոզոնդների) հետ կապված միջադեպերը։ Այդ մասին հայտարարել է երկրի վարչապետ Ինգա Ռուգինենեն, գրում է LRT-ն։

«Եթե կրկին զանգվածաբար մեր սահմանը հատեն նման սարքեր, մենք կարձագանքենք անհապաղ և կփակենք սահմանը Բելառուսի հետ», — ասել է Ռուգինենեն՝ ընդգծելով, որ Վիլնյուսը նման գործողություններին չի նայի հանգիստ աչքով։ Նա նաև ընդգծել է, որ Բելառուսի նկատմամբ զիջումներ չեն նախատեսվում։

Ավելի վաղ Լիտվան ժամանակավորապես փակել էր սահմանային անցակետերը՝ իր օդային տարածքում մետեոզոնդների հայտնվելու պատճառով։ Ընդամենը 52 րոպե անց սահմանը վերաբացվել էր, սակայն լարվածությունը երկու երկրների միջև պահպանվում է։