Պաշտպանության նախարարը՝ ժամկետային զինծառայության կրճատման մասին

«Կառավարության ծրագրով ստանձնել ենք պարտավորություն, որ մեր գործունեության հնգամյա հատվածում պայմանագրայինների ավելացման հաշվին կրճատելու ենք ժամկետային զինծառայությունը»։ Այս մասին ԱԺ–ում հայտարարել է ՀՀ պաշտպանության նախարար Սուրեն Պապիկյանը։

«Երկրորդ փաստաթուղթը՝ ՀՀ բանակի կերպափոխման հայեցակարգը, այնտեղ նույնպես նմանատիպ հանձնառություն ենք ստանձնել։ Սրանով ամեն ինչ ասված է, թե ինչ երկարաժամկետ պլանավորման արդյունք է սա։ Եվ, իհարկե, ամեն ինչ կախված պիտի լիներ, թե մեզ հաջողվում է արդյոք պայմանագրայինների թվաքանակն ավելացնել»,- նշել է նա։