Կառավարության հաշվեկշռում գտնվող եկեղեցիները կվերադարձնենք հանրությանը և Տեր Արամի նման քահանաներին․ Փաշինյան
Քաղաքական
«Կտրիճ Ներսիսյանը վաղուց կարգալույծ է, նա մարդ է, որը բռնազավթել է Մայր Աթոռը։ Թող նախ հանրությանը բացատրի՝ որտեղից և ինչպես ինքն ունի կին և երեխաներ։ Մենք եկեղեցու հետ կոնֆլիկտ չունենք, մենք կոնֆլիկտ ունեն եկեղեցին պղծողների, նրա ուխտը ոտնահարողների հետ»,- այսօր ԱԺ-կառավարություն հարցուպատասխանի ընթացքում հայտատարեց վարչապետ Նիկոլ Փաշինյանը, ընդգծելով, որ կարգալույծը չի կարող կարգալույծ անել։
«Եթե կարգալույծը կարգալույծ է արել, նշանակում է տեր Արամը այդ օրը նոր օծվել է եկեղեցու՝ ժողովրդի կողմից, ես կգնամ և հաղորդություն կընունեմ Տեր Արամի ձեռքից»,- նշեց Փաշինյանը։
Նա նաև հնարավոր համարեց, որ Կառավարության հաշվեկշռում գտնվող եկեղեցիները «կվերադարձվեն» հանրությանը և «Տեր Արամի նման քահանաներին»։
«Այնտեղ, որտեղ չկա հոգևոր կյանք, այլ կան խարդավանքներ, ֆեյքերեցների խմբեր են գործում, կան բոլոր բարոյական և իրավական հիմքերը, որ մենք այդ հուշարձանները կվերադարձնենք հանրությանը և Տեր Արամին ու նրա նման քահանաներին բոլոր ձևերով կաջակցենք, որ նրանք Հայաստանում վերականգնեն իրական հոգևոր կյանքը»,- ԱԺ-ում հայտարարեց Փաշինյանը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
