ԵՄ երեք երկիր դեմ է արտահայտվել սառեցված ռուսական ակտիվների Ուկրաինային փոխանցմանը

Իտալիան և Ֆրանսիան և Բելգիան դեմ են արտահայտվել Եվրոպայում սառեցված ռուսական ակտիվների՝ Ուկրաինային փոխանցմանը՝ որպես «փոխհատուցման վարկի» մաս: Այս մասին հաղորդել է իտալական Corriere della Sera թերթը։

Հրապարակման մեջ նշվում է, որ Իտալիայի և Ֆրանսիայի կառավարությունները մտահոգված են հնարավոր ֆինանսական պատասխանատվությամբ, եթե ռուսական ակտիվների օգտագործումը համարվի անօրինական։

Հոկտեմբերի 21-ին եվրահանձնակատար Վալդիս Դոմբրովսկիսը հայտարարել է, որ Եվրահանձնաժողովը պատրաստ է առաջիկա շաբաթներին ներկայացնել առաջարկ՝ Կիևին ռուսական սառեցված ակտիվներով ապահովված նոր վարկ տրամադրելու վերաբերյալ: Դոմբրովսկիսը հավելել է, որ ԵՄ նախաձեռնությունը «լիովին կհամապատասխանի միջազգային իրավունքին»։

Հոկտեմբերի 23-ին Բրյուսելում կայացած ԵՄ գագաթնաժողովի մասնակիցները չեն կարողացել համաձայնության գալ ռուսական ակտիվների օգտագործման վերաբերյալ: Բելգիայի վարչապետ Բարտ դե Վևերը խոստացել է արգելափակել ռուսական ակտիվների բռնագրավումը, եթե ԵՄ-ն չկիսի Մոսկվայի պատասխան գործողությունների ռիսկերը: Քաղաքական գործիչը զգուշացրել է, որ Ռուսաստանը կարող է հակադարձել՝ բռնագրավելով իր տարածքում և բարեկամական իրավասություններում գտնվող արևմտյան ակտիվները, ինչը կարող է Մոսկվային «հաղթանակ» պարգևել։

Չնայած դրան՝ նոյեմբերի 1-ին բելգիական Euroclear դեպոզիտարիան, որտեղ սառեցված է ռուս ներդրողների ակտիվների մեծ մասը, սկսեց դրանք ապասառեցնել՝ առանց ԱՄՆ լիցենզիայի անհրաժեշտության։