Գուրգեն Եղիազարյան. «Ալիկ Սարգսյա՛ն, գնա մտի բանտախուց»

Այսօր լրագրողների հետ հանդիպման ժամանակՍԴՀԿ անդամ Գուրգեն Եղիազարյանը խոսելով երկրում տիրող անկառավարելի իրավիճակի մասին ասաց. «Չի կարելի փոքրիկ Հայաստանը բզկտել, լափել ու կեղեքել և եթե մտածում եք, որ անպատիժ եք մնալու՝ չեք մնալու, կգա Էն օրը, որ պատասխան կտաք։

Այսօր սահմանամերձ գյուղերում մարդ չկա, իսկ գյուղապետերը պահում են 2 կամ 3 տուն, որպեսզի մարդահամարի տվյալներով խայտառակ ընտրություններ անցկացնեն և արդյունքում հերթական չընտրված նախագահ կգա։

Այն մարդը, որ ընտրված չի ստիպված է լինում հետո իրեն իշխանության հասցրած մարդկանց մասին հոգ տանել այն է՝ թողնել, որ թալանեն, մի շարք անօրինական գործունեություն ծավալեն և դրանով իսկ ցույց տան, որ էս երկրում օրենք գոյություն չունի։

Մարգար Օհանյանի օրինակը դրա վառ ապացույցն է։ Ես մի առիթով ասել էի, որ Մարգար Օհանյանը մեկ ուրիշի փոխարեն նստած է կալանավայրում։ Ինչ է նշանակում՝ ուրեմն երբ նա մեր առանց այն էլ աղքատ երկիրը թալանում էր, ի՞նչ է, ղեկավար չունե՞ր։ Ինչի՞, Ալիկ Սարգսյանը նրա ղեկավարը չէ՞ր։ Եթե երեք տարի Մարգար Օհանյանը թալանով է զբաղվել, էդ ղեկավարը որտե՞ղ էր ու ո՞նց չի իմացել։ Եթե իր քրեական վարչության պետը՝ կոչումով գեներալ, ասում եք , որ 300000 դոլար է վերցրել մի գործով՝ սպանության փորձի գործով, բա դու՛,   որպես ղեկավար, ի՞նչ էիր անում։ Եթե չես հասկանում գործից, դիմի համապատասխան տեղ ու ասա՝ կներեք, ինձ բերել դրել եք ստեղ, բայց ես չեմ հասկանում։

Հետո հարց է ծնվում, եթե չես էլ հասկացել, թե ո՞նցա եղել, ինչի՞ էս դեռ ոստիկանապետ։ Իսկ եթե հասկացել էս, ապա տեղերով փոխվեք Մարգար Օհանյանի հետ՝ գնա մտի էտ բանտախուցը թող էն տղեն դուրս գա ընդեղից»։