Օսկարակիր Քեթրին Զեթա Ջոնսը հոգեբուժարանում է հայտնվել

Հոլիվուդյան հանրահայտ դերասանուհի Քեթրին Զեթա Ջոնսը մանիակալ դեպրեսիվ փսիխոզի ախտորոշմամբ հայտնվել է հոգեբուժարանում: Այս մասին գրում է գերմանական Bild պարբերականը՝ հղում կատարելով դերասանուհու մամլո քարտուղար Սառա Ֆուլերին, ով նշել է, որ դերասանուհու մոտ բիպոլյար խանգարում է նկատվել:

Հիշեցնենք, որ 43-ամյա օսկարակիր դերասանուհին 2 տարի առաջ արդեն բուժում ստացել էր 2-րդ աստիճանի բիպոլյար խանգարման դեմ: Այն ժամանակ նրա այդ հոգեվիճակը պայմանավորված էր Ջոնսի ամուսնու՝ Մայքլ Դուգլասի լուրջ հիվանդությամբ, ով տառապում էր քաղցկեղով: