Նոր Հարավային Ուելսի խորհրդարանը ճանաչել է ասորիների, հայերի և հույների ցեղասպանությունը

Այսօր` 2013թ. մայիսի 1-ին, պատմականորեն աննախադեպ քայլ է տեղի ունեցել. Ասորիների ընդհանուր դաշինքի, Ավստրալիայի հունական խորհրդի և Հայ ազգային կոմիտեի խնդրանքով` Նոր Հարավային Ուելսի խորհրդարանը միաձայն որոշում է կայացրել ճանաչել ասորիների, հույների և հայերի ցեղասպանությունը և միջնորդություն ներկայացնել Ավստրալիայի կառավարությանը: Ասորիների ընդհանուր դաշինքի գլխավոր քարտուղարի տեղակալ Հերմեզ Շահենն այդ կապակցությամբ ասել է. «Այս քայլն առանցքային պահ է ասորի ժողովրդի պատմության մեջ: Մեր ժողովուրդը տարիներ շարունակ պայքարել է 1914-1923թթ. երիտթուրքերի շովինիստական կուսակցության կողմից ասորիների դեմ իրանացրած ցեղասպանության միջազգային ճանաչման համար: Այս ճանաչումը հզոր ազդեցության միջոց կդառնա ժամանակակից Թուրքիայի դեմ, որը մինչ օրս հերքում է Օսմանյան Թուրքիայում քրիստոնյա փոքրամասնությունների դեմ իրականացրած ցեղասպանության փաստը»,- ասել է Հերմիզը:

Հաշվի առնելով, որ Նոր Հարավային Ուելսի խորհրդարանը 1997-ին բանաձև էր ընդունել, որում ճանաչել և դատապարտել էր Հայոց ցեղասպանությունը, խորհրդարանը ճանաչել է, որ ասորիներն ու հույները Օսմանյան կայսրության կազմում ենթարկվել են նմանատիպ էթնիկ զտումների. հաղորդում է Assyrian International News Agency-ն: