Հյուսիսային Կորեայի դատարանն ամերիկացի զբոսաշրջիկին դատապարտել է 15 տարվա տաժանակիր աշխատանքի

Կորեայի ժողովրդա-դեմոկրատական հանրապետության գերագույն դատարանը դատապարտել է ԱՄՆ-ի քաղաքացի Ժուն Հոյին (Քեննեթ Բեյ) 15 տարվա տաժանակիր աշխատանքի: Ինչպես այսօր տեղեկացնում է Կորեայի կենտրոնական հեռագրային գործակալությունը, դատական նիստը կայացել է ապրիլի 30-ին:

Ամերիկացին ձերբակալվել էր 2012թ. նոյեմբերի 3-ին Հյուսիսային Կորեայի հյուսիսարևելյան Ռասոն քաղաքում, ուր նա ժամանել էր ոսպես  զբոսաշրջիկ: Նրան մեղադրում են «Կորեայի հանրապետության նկատմամբ թշնամական ակցիաներ կազմակերպելու համար»: