Արգենտինայում մարիխուանան օրինականացնելու համար ցույցեր են ընթացել

Մայիսի 4-ին Արգենտինայի 20 քաղաքներում զանգվածային բողոքի ցույցեր են ընթացել մարիխուանայի օրինականցման պահանջով. գրում է Korrespondent-ը:

Ակտիվիստներից մեկի խոսքերով՝ միայն 2010-ի ընթացքում ոստիկանությունը նախաձեռնել է մարիխուանայի հետ կապված 12.000 դատական գործ, որոնցից 8.000-ը հարուցվել է մարիխուանա օգտագործողների դեմ:

Մայրաքաղաք Բուենոս Այրեսում ցույցերը սկսվել են նախագահական նստավայրի մոտ: Բուենոս Այրեսից 60 կմ հեռավորության վրա գտնվող Լա Պլատա քաղաքում ցուցարարների շարքում ակտիվ են եղել հատկապես Լա Պլատայի՝ կանեփի սիրահարների ոչ պաշտոնական կազմակերպության անդամները:

Իսկ մեծությամբ երկրորդ՝ Կորդովա քաղաքում ցուցարարները երթ են կազմակերպել նահանգի վարչական կենտրոնից մինչև Արդարադատության պալատ։