Սիրիայի ուղղությամբ Իսրայելի կողմից ևս մեկ հարվածը կդիտարկվի որպես պատերազմի մեկնարկ. Բաշար Ասադ

Ինչպես գրում է քուվեյթյան «Առ ռայ» պարբերականը, Սիրիայի նախագահ Բաշար Ասադը ուղերձ է հղել Վաշինգտոնին, որում զգուշացնում է, որ Սիրիան անհապաղ հակահարված կհասցնի Իսրայելի կողմից դրսևորվող ցանկացած նոր ագրեսիային: Մասնավորապես՝ Սիրիայի նախագահը հայտարարել է, որ ցանկանում է 24 ժամվա ընթացքում պատասխան ստանալ: Եթե Իսրայելը կրկին ագրեսիայի դիմի, ապա դա մեր կողմից կդիտարկվի որպես պատերազմ հայտարարելու մեկնարկ: Դրանից հետո այլևս ոչ մի նախազգուշական միջոցառում չի արվելու»,- ասված է ուղերձի մեջ:

Նրանում նաև նշված է, որ Սիրիայի Զինված ուժերին հրաման է տրվել մարտական դրության բերել ժամանակակից ռուսական «երկիր-երկիր» և «երկիր-օդ» հրթիռային համակարգերը: Դրանք գործի կդրվեն անմիջապես՝ չսպասելով հրամանատարության թույլտվությանը. իր ուղերձում նշել է նախագահ Ասադը: