10 տարի առաջ անհետ կորած աղջիկներին հայտնաբերել են

ԱՄՆ-ում շուրջ 10 տարի առաջ անհայտ կորած 3 աղջիկների պատմությունը երջանիկ ավարտ ունեցավ: Նրանցից երկուսը կորել էին, երբ դեռ անչափահաս էին: Աղջիկներին գերի էին պահում Քլիվլենդ քաղաքի կենտրոնին մոտ գտնվող բնակարաններից մեկում՝ ընդամենը մի քանի կիլոմետր հեռու այն վայրից, որտեղ վերջին անգամ տեսել էին նրանց:

Կանանց ճիչերը լսել էր պատահական անցորդը և ահազանգել ոստիկանություն: Օրինապահները ազատել են երեք գերիներին և ձերբակալել 52 տարեկան տղամարդու: Առայժմ, սակայն, ապացուցված չէ, որ հենց նա է աղջիկներին ձերբակալել ու պահել գերության մեջ:

Արդեն հրապարակվել են աղջիկների անունները: Ամանդա Բերրին կորել էր Քլիվլենդում 2003թ. ապրիլին, երբ 16 տարեկան էր, Ջինա Դեխեսուսը կորել էր 2004թ.՝ 14 տարեկանում, Միշել Նայթը, հիմա նա 32 տարեկան է, կորել էր 12 տարի առաջ:

Ամանդայի մայրը մահացել էր 2006թ., աղջկա անհետացումը քայքայել էր նրա առողջությունը, սակայն մինչև վերջին օրը նա հավատում և փնտրում էր աղջկան: Այս մասին գրում է mamul.am-ը: