Մեքսիկայում գազատար ցիստեռնի պայթյունից զոհվել է 23 մարդ

Մեքսիկայի մայրաքաղաք Մեխիկոյի մոտակայքում 23 մարդ է զոհվել հեղուկ գազ տեղափոխող ավտոցիստեռնի պայթյունի արդյունքում, ևս 36- մարդ տարբեր աստիճանի այրվածքներ է ստացել և այս պահին հիվանդանոցում է. տեղեկացնում է Deutsche Welle-ն:

Վիրավորներից 13-ի դրությունը բժիշկները գնահատում են ծայրահեղ ծանր: Նախնական վարկածի համաձայն՝ գազատար մեքենայի վարորդը կորցրել է ղեկի կառավարումը և բարձր արագության տակ բախվել է մի քանի մեքենայի, ինչի հետևանքով ավտոցիստեռնն այրվել է:

Մեքենայի վարորդը կենդանի է մնացել և այս պահին կալանավորված է: Միջադեպը տեղի է ունեցել Երևանի ժամանակով 05.00-ի սահմաններում:

ՃՏՊ-ի հետևանքով այրվել է 15 մեքենա, հրդեհի բոցերն այրել են շուրջ 50 բնակելի տուն: Մարդիկ տարհանվել են և տեղավորվել հանրակացարաններում:

Բժշիկները տագնապ ունեն, որ զոհերի թիվը կարող է աճել: