Բանգլադեշում շենքի փլուզման հետևանքով զոհերի թիվը հատել է 1000-ի սահմանը

Բանգլադեշի Սավար քաղաքում ապրիլի 24-ին 8-հարկանի շինության փլուզման արդյունքում զոհերի քանակն անցել է հազարից: Այս մասին գրում է AFP-ն` հղում կատարելով երկրի զինված ուժերի պաշտոնական ներկայացուցչին: Զոհերի քանակը սկսեց աճել այն բանից հետո, երբ բանակային փրկարարները շենքի փլատակների տակից դուրս բերեցին նոր զոհերի դիակներ: Շենքում տեղակայված է եղել 5 տեքստիլ գործարան, խանութներ, բանկի մասնաճյուղեր, որտեղ տարբեր տվյալներով աշխատում էր 3 հազար մարդ: Որոնողա-փրկարարական աշխատանքների շնորհիվ հնարավոր է եղել փրկել 2400 մարդու կյանք: Աղետի պահին շենքում գտնվող մարդկանց կոնկրետ քանակը հայտնի չէ:

Փլված շենքում, ինչպես պարզվեց հետագայում, գտնվում էր վթարային վիճակում: Նրա տնօրենը ապրիլի 28-ին ձերբակալվել էր Հնդկաստանի հետ սահմանը հատելու փորձի ժամանակ: Դատարանը որոշել է բռնագրավել նրա ունեցվածքը, իսկ նրան կանխամտածված զանգվածային սպանություն իրականցնելու համար մեղավոր ճանաչելու դեպքում մահապատիժ է սպառնում: