Բրիտանիայի վարչապետ Քեմերոնը հանկարծակի կայցելի Սոչի՝ Պուտինի հետ զրուցելու նպատակով
Աշխարհ
Մեծ Բրիտանիայի վարչապետ Դեվիդ Քեմերոնը կժամանի Ռուսաստանի Դաշնության Սոչի քաղաք՝ ռուս նախագահ Վլադիմիր Պուտինի հետ նրա առանձնատանը հանդիպելու համար. գրում է BBC-ն:
Այս այցի մասին Քեմերոնը հայտարարել էր միայն չորեքշաբթի օրը: Ելույթ ունենալով խորհրդարանում՝ նա հայտարարել էր, որ Պուտինի հետ իրենց խոսակցության թեման լինելու է Սիրիայում տիրող իրավիճակը, ուր արդեն 2 տարի է՝ շարունակվում է զինված պայքարը կառվարական զորքերի և ընդդիմության միջև:
Բրիտանացի վարչապետի խոսքերով՝ անհրաժեշտ է արագացնել իշխանության քաղաքական հանձնումը՝ բռնություններին վերջ դնելու նպատակով: Ըստ ՄԱԿ-ի տվյալների՝ 2011թ մարտից բռնկված քաղաքացիական այս պատերազմը Սիրիայում արդեն խլել է 70 հազար մարդու կյանք:
Ինչպես նշում է BBC-ի թղթակիցը, Քեմերոնի այցը շարքային այցելություն չէ, քանի որ բրիտանացի վարչապետն անցնելու է ավելի քան 3 հազար կմ՝ Պուտինի հետ մի քանի ժամ զրուցելու համար:
Հաջորդ շաբաթ Քեմերոնը Սիրիայի հակամարտությունը քննարկելու նպատակով կայցելի ԱՄՆ-ի նախագահ Բարաք Օբամային:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
