Ռուսաստանն այլևս զենք չի մատակարարի Սիրիային. ռուս արտգործնախարար

Լեհաստանի մայրաքաղաք Վարշավայում Ռուսաստանի, Գերմանիայի և Լեհաստանի արտգործնախարարների միջև կայացած բանակցությունների արդյունքում Ռուսաստանի արտաքին քաղաքական գերատեսչության ղեկավար Սերգեյ Լավրովը հայտարարել է, որ Ռուսաստանն այլևս չի պլանավորում Սիրիային զենք մատակարարել և կդադարեցնի բոլոր մատակարարումները, հենց որ իրականացվեն արդեն գործող պայմանագրերը. գրում է РБК-ն: 

Արտգործնախարարը հայտարարել է, որ ռուսական կողմից Սիրիային C-300 հրթիռային համակարգերի մատակարարում չի նախատեսվում: Նշենք, որ Իսրայելը Ռուսաստանին մեղադրել էր Սիրիային C-300 հակահրթիռային պաշտպանության համակարգերով ապահովելու համար, հայտարարելով, որ 900 մլն դոլար արժողությամբ գործարքը նրանց միջև արդեն կնքվել է, և առաջին մատակարարումները Դամասկոս կհասնեն արդեն առաջիկա 3 ամիսների ընթացքում: