Թուրքիան զոհված սիրիացիների արյան նմուշներում կստուգի քիմիական զենքի հնարավոր կիրառման ապացույցները

«ԱՄՆ-ի պետքարտուղար Ջոն Քերրին ուրբաթ օրը հայտարարել է, որ Սիրիայում կառավարական զորքերի կողմից ապստամբների դեմ քիմիական զենքի օգտագործման լուրջ ապացույցներ կան: Ասադի ռեժիմը «սարսափելի ընտրություն» է կատարել և պատրաստակամություն է հայտնել իր 70-100 հազար բնակիչների դեմ քիմիական զենք օգտագործել»,-ասել է Քերրին Google ինտերնետ հսկայի օգտատերերի կողմից օնլայն երկխոսության ժամանակ. մեջբերում է Der Spiegel գերմանական պարբերականը:

Զարին գազի օգտագործման համառ փաստեր կան, նշել է Քերրին և հավելել, որ Դամասկոսը փորձում է սիրիական կոնֆլիկտը ներկայացնել որպես դրսի ուժերի կողմից ղեկավարվող: ԱՄՆ-ի նախագահ Բարաք Օբաման քիմիական զենքի կիրառումը գնահատել էր որպես «Կարմիր գիծ» իր կողմից Սիրիայի հակամարտության հնարավոր միջամտության համար:

Իր հերթին թուրք արտգործնախարար Ահմեդ Դավութօղլուն այս ուրբաթ օրը Վաշինգտոնին միջոցներ ձեռնարկելու կոչ էր արել:
Թուրքիայի վարչապետ Ռեջեփ Թայիփ Էրդողանն ու արտգործնախարար Դավութօղլուն հայտարարել են, որ սիրիական քաղաքացիական պատերազմի զոհերից արյան նմուշներ են վերցվել՝ քիմիական զենքի կիրառման հնարավորությունը ստուգելու համար: Համաձայն Դավութօղլուի հայտարարության՝ հետագա ստուգումները կանցկացվեն ՄԱԿ-ի հետ համատեղ: Անցյալ շաբաթ Թուրքիան հաստատել էր Սիրիայից արյան նմուշներ ստանալու լուրը: