Վարդենիսի տարածքից 6 օր է, ինչ զինծառայող է անհետացել․ նոր մանրամասներ

Արդեն 5-6 օր է, ինչ Վարդենիսի տարածաշրջանում անհետ կորել է ժամկետային զինծառայող, որը 18 տարեկան է։ Այս մասին ԼՈՒՐԵՐ․com-ի հետ զրույցում ասաց Կողբ համայնքի ղեկավար Արսեն Աղաբաբյանը:

«Մեր գյուղի բնակիչը երեք ամսվա զինծառայող է: Ծառայում էր Վարդենիսում: Վերջին անգամ նա ինտերնետ է մտել Վարդենիսի տարածքում, և այլևս  նրանից տեղեկություն չենք ունեցել: Այն անհանգստությունը, որ ունեինք, թե հնարավոր է՝ Ադրբեջանի սահմանը անցած լինի, այլևս չկա, բայց որ չեն գտնում նրան, դա փաստ է։ Այս պահին ռազմական ոստիկանությունը փնտրում է զինծառայողին, բայց դեռևս նորություն չկա»,-ասաց նա՝ հավելելով, որ անհետ կորածը իր բնավորությամբ շատ հավասարակշռված և հանգիստ տղա է։