Հայկ Գևորգյանի խափանման միջոց է ընտրվել չհեռանալու մասին ստորագրությունը

«Հայկական ժամանակ» օրաթերթի թողարկման պատասխանատու Հայկ Գևորգյանի դեմ հարուցված քրեական գործով դատախազը որոշում է կայացրել փոխել նրա նկատմամբ ընտրված խափանման միջոցը: Հայկ Գևորգյանը կազատվի կալանքից։

Նման որոշումը հիմնավորվել է նրանով, որ Հայկ Գևորգյանը մեղադրվում է ոչ ծանր հանցանք կատարելու մեջ, ինչպես նաև նախկինում դատապարտված չի եղել:

Ըստ դատախազության՝ հաշվի առնելով վերոնշյալը՝ բացակայում է նրան կալանքի տակ պահելու անհրաժեշտությունը: Հայկ Գևորգյանի նկատմամբ որպես խափանման միջոց է ընտրվել ստորագրություն չհեռանալու մասին: 

Հայկ Գևորգյանին միանգամից ազատ են արձակելու Նուբարաշենի ԺՊՄ-ից։