Արշալույս գյուղի գյուղապետի ընտրություններն անցնում են ընտրախախտումներով
Իրավունք
Արմավիրի մարզի Արշալույսի գյուղապետի ընտրություններում արդեն իսկ որոշակի արտառոց փաստեր են արձանագրվել: Նախ, ոստիկանությունն առավոտվանից դրված է գործող գյուղապետ, գյուղապետի թեկնածու Զարզանդ Գրիգորյանի տրամադրության տակ: Նա է հրահանգավորում ոստիկաններին' որտեղ կանգնեն, ինչ անեն:
Հաջորդ ակնառու փաստն այն է, որ գյուղապետի ժամանակավոր պաշտոնակատարը գյուղապետի տեղակալ Գագիկ Շահգելդյանն է, որը միաժամանակ նաեւ Զարզանդ Գրիգորյանի վստահված անձ է: Դա արդեն իսկ կոպիտ խախտում է: Շահգելդյանը նաեւ չի ներկայանում գյուղապետարան, որպեսզի կնքի ընտրողների ցուցակից դուրս մնացած քաղաքացիների տեղեկանքները: Փաստորեն մի քանի տասնյակ արշալույսցի, հայտնի չէ' պատահմամբ, թե դիտավորությամբ, դուրս են մնացել ցուցակներից, թեկնածու Զարզանդ Գրիգորյանի կամայական վերաբերմունքի պատճառով չեն կարողանում մասնակցել քվեարկությանը: Այս փաստի վերաբերյալ թեկնածու Գրիգոր Գրիգորյանի վստահված անձինք տեղեկացրել են նաեւ ԿԸՀ մամուլի քարտուղարին: ԿԸՀ-ից պաշտոնական արձագանք առայժմ չկա:
Հետաքրքիր է նաեւ այն փաստը, որ ընտրական ողջ գործընթացին ակտիվորեն մասնակցել է ոչ միայն Զարզանդ Գրիգորյանի պատգամավոր եղբայր Հրանտ Գրիգորյանը, այլեւ մյուս եղբայրը' Արթուր Գրիգորյանը, որը կորպուսի հրամանատարի տեղակալ է եւ պետք է Տավուշում լիներ:
ՈՒՂԻՂ ԵԹԵՐ
Ամենադիտված 
Ինձ ունեզրկելով վախեցնելն անիմաստ է. Չեմ ուզում ձեզ ծանրաբեռնել իմ ու երեխաներիս զգացածով (լուսանկարներ)
