«Արտակարգ դրության իրավական ռեժիմի մասին» օրինագիծը հետապնդում է բռնակալական համակարգն ամրապնդելու նպատակ. Չուգազսյան
Իրավունք
«Արտակարգ դրության իրավական ռեժիմի մասին» օրինագիծը նպատակ է հետապնդում ամրանդելու դասական բռնակալական համակարգ, այսօր լրագրողների հետ հանդիպման ժամանակ կարծիք հայտնեց «Սարդարապատ» նախաձեռնության անդամ Գարեգին Չուգասզյանը։
Ըստ նրա, այս օրինագծով կեղծ իրավական շղարշ է ստեղծվում՝ հավաքները, հանրային միջոցառումները բանակի ուժով ճնշելու համար։
«Փորձ է արվում ժողովրդի մի մասը հակադրել մյուսին և ավարտին հասցնել բանակի՝ ժողովրդից օտարման գործընթացը», – նշեց նա։
Ըստ Չուգասզյանի՝ վարչակազմի ապազգային բնույթին այս օրինագիծն ավելացնելու դեպքում հասկանալի կլինի այն վտանգը, որի առաջ կանգնած է Հայաստանը։ Մյուս կողմից, ըստ նրա, իշխանություններն այս օրինագծի ընդունմամբ ապացուցեցին իրենց ներքին թուլությունն ու ինքնավստահության բացակայությունը։
Սարդարապատ շարժումն առաջարկում է իր լուծումը. «իրեն ընդդիմադիր համարող որևէ շրջանակ պետք է դադարեցնի իշխանության մաս լինելը, որովհետև արդեն պարզ է, որ կազինոյի դեմ խաղ չկա»։ Չուքազյանը կարծում է, որ ընդդիմությունը պետք է խաղա ոչ թե նույն՝ իշխանական դաշտում, այլ նոր դաշտ ստեղծի՝ որպես գոյություն ունեցող իշխանության հակակշիռ։
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
