Ռուսաստանին դուր չի գալիս Ուկրաինայի իշխանությունների դեմ պատժամիջոցներ կիրառելու սպառնալիքները

Ինչպես հայտնում է Интерфакс-Украина-ն, Ուկրաինայի իշխանությունների դեմ պատժամիջոցներ կիրառելու սպառնալիքները տեղին չեն և կարող են միայն լրացուցիչ լարվածություն առաջացնել: Նման հայտարարությամբ է հանդես եկել ՌԴ արտգործնախարարության պաշտոնական ներկայացուցիչ Ալեքսանդր Լուկաշևիչը։

«Շարունակվում են դրսից միջամտելու հետևողական փորձերը։ Պատժամիջոցներով սպառնալով տիրող իրավիճակը ոչ մի լավ բանի չի հանգեցնի»,-հայտարարել է նա։

Կիևում զանգվածային անկարգությունները վերսկսվել էին երեքշաբթի՝ Գերագույն ռադայի նիստի օրը. վերջին տվյալներով՝ բախումների հետևանքով զոհվել է 35 մարդ։