Լոնդոնում հրապարակվել է Մեծ Բրիտանիայի դրոշի էսքիզը նրա կազմից Շոտլանդիայի դուրս գալուց հետո

Մեծ Բրիտանիայի նոր պետական դրոշի տարբերակը նրա կազմից Շոտլանդիայի դուրս գալու դեպքում առաջարկել է Լոնդոնի Financial Times թերթը: «Եթե շոտլանդացիները դուրս գան միասնական պետությունից, ապա ստիպված կլինենք վերափոխել ինչպես ամբողջ երկիրը, այնպես Էլ դրոշը»,- նշել է հրատարակությունը:

Թերթը հրապարակել է դրոշի Էսքիզը, որն իր երկրաչափությամբ, ամբողջությամբ վերցված, հիշեցնում Է Միացյալ Թագավորության ներկայիս դրոշը, սակայն կատարված Է այլ գունային գամմայով: Կապույտ գունի փոխարեն, որը պարունակում Է Շոտլանդիայի դրոշը, Մեծ Բրիտանիայի նոր դրոշն ստացել է Ուելսի սեւ եւ դեղին գույները: Մինչ օրս Ուելսը ներկայացված չէ Միացյալ Թագավորության պետական դրոշում:

Դրա հետեւանքով դրոշի կենտրոնում գտնվող Սուրբ Գեւորգի, որն Ագլիայի հովանավորն է, մեծ կարմիր խաչն ստացել է դեղին եզերապատում, իսկ դրոշի ֆոնը մուգ կապույտից դարձել է սև:

Շոտլանդիայի ինքնորոշման շուրջը հանրաքվեն կկայանա սեպտեմբերին: Եթե Մեծ Բրիտանիայի այդ մասի ընտրողների մեծամասնությունը քվեարկի անկախության օգտին, ապա, Շոտլանդիայի կառավարության պլանի համաձայն՝ 2016 թվականի մարտի 24-ին Շոտլանդիան կդառնա անկախ պետություն: