Յուլյա Տիմոշենկոն առայժմ չի հայտարարի նախագահական ընտրություններին իր մասնակցության մասին

«Բատկիվշչինա» կուսակցության առաջնորդ, Ուկրաինայի նախկին վարչապետ Յուլյա Տիմոշենկոն առայժմ չի հայտարարի՝ մտադիր է արդյոք մասնակցել առաջիկա վաղաժամկետ նախագահական ընտրություններին: Այդ մասին BBC հեռուստաալիքին տված հարցազրույցում հայտնել է քաղաքական գործչի դուստրը՝ Եվգենյան:

Պատասխանելով լրագրողի հարցին, թե Տիմոշենկոն պլանավորում է արդյոք մասնակցել ընտրություններին, նրա դուստրը պատասխանել է. «Նա (Յուլյա Տիմոշենկոն) այն կարծիքին է, որ այժմ այդպիսի հայտարարությունների ժամանակը չէ: Այժմ պետք Է ուշադրությունը կենտրոնացնել երկիրը ճգնաժամից դուրս բերելու ավելի հրատապ խնդիրների վրա»:

Նախօրյակին ՈՒԴԱՌ կուսակցության առաջնորդ Վիտալի Կլիչկոն հավաստել Է Ուկրաինայի նախագահի ընտրություններում իր թեկնածությունն առաջադրելու մտադրությունը: «Ես կառաջադրվեմ Ուկրաինայի նախագահի պաշտոնում, որովհետև հաստատ համոզված եմ, որ Ուկրաինային անհրաժեշտ Է ամբողջովին փոխել խաղի կանոնները: Պետք Է արդարություն լինի: Ես ստույգ գիտեմ, որ դա հնարավոր Է անել»,-Կիևում լրագրողներին ասել Է քաղաքական գործիչը:

Կլիչկոն նաև հայտարարել Է, որ կառավարությունը կկազմվի թեկնածուների պրոֆեսիոնալիզմի և բարոյական հատկանիշների հիման վրա: «Ներկայումս տնտեսական իրադրությունը ճգնաժամային Է, և մենք շատ սահմանափակ ժամանակ ունենք այդ իրադրությունից դուրս գալու համար»,-ասել նա: Կլիչկոն հավելել է, որ ինքն իրեն չի տեսնում կառավարությունում և հայտնել է, որ խորհրդարանական խմբակցությունները ոչ մի բաժնեմաս չունեն կառավարության կազմը ձևավորելիս:

Ուկրաինայում արտահերթ նախագահական ընտրությունները նշանակված են մայիսի 25-ին, փետրվարի 25-ից մեկնարկել Է նախընտրական արշավը: