Վենեսուելայում բողոքի ակցիաների ընթացքում ավելի քան 50 մարդ է զոհվել. Մադուրոն համազգային խորհրդաժողով է անցկացրել
Աշխարհ
Վենեսուելայի նախագահ Նիկոլաս Մադուրոյի նախագահությամբ Կարակասի «Միրաֆլորես» պալատում տեղի է ունեցել հանուն խաղաղության համազգային խորհրդաժողովը, որին մասնակցել են քաղաքական տարբեր ուժերի և բիզնեսի ներկայացուցիչները, հաղորդում են տեղական ԶԼՄ-ները:
Ընդդիմության ղեկավարները հրաժարվել են մասնակցել այդ միջոցառմանը՝ այն համարելով երկխոսության նմանակում և ծաղր քաղաքացիների նկատմամբ, սակայն ընդդիմադիր ուժերի առանձին ներկայացուցիչներ, այդուամենայնիվ, եկել էին նախագահական պալատ: Հանդիպումը Մադուրոյի կողմից կազմակերպվել էր բողոքի զանգվածային ակցիաների պայմաններում, որոնց հետևանքով, նրա իսկ տվյալներով, ավելի քան 50 մարդ է զոհվել:
«Մենք այս ազգային խորհրդաժողովը հրավիրել ենք բոլոր վենեսուելացիների համար առանց վերապահումների, ոչ մի պայման կամ օրակարգ ես չեմ նշել, ես ձեզ հրավիրել եմ, որպեսզի մենք խաղաղություն հաստատենք մեր բոլորի միջև»,-ասել է Մադուրոն:
Նախագահն առաջարկել է ստեղծել հասարակության տարբեր խավերի միջև կոորդինացման և կապերի հանձնաժողով, որը կզբաղվի երկրի խաղաղեցմանն ուղղված հնարավոր բոլոր առաջարկությունների քննարկմամբ: Դա վերաբերում է նաև ընդդիմության առաջնորդներին, ովքեր չեն եկել հանդիպմանը, նշել է Մադուրոն:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
