Ռուսաստանի կողմից Յանուկովիչին պաշտպանություն տրամադրելը մարդասիրական քայլ է. Կուչերենա
Աշխարհ
Վիկտոր Յանուկովիչին պաշտպանություն տրամադրելով՝ Մոսկվան ղեկավարվել է, նախևառաջ, մարդասիրական, այլ ոչ թե իրավական նկատառումներով, հայտարարել է Ռուսաստանի Հանրային պալատի անդամ, փաստաբան Անատոլի Կուչերենան:
«Մարդն իրապես հայտնվել է դժբախտության մեջ, նրան և նրա ընտանիքին իրական վտանգ է սպառնում: Նման իրավիճակում Ռուսաստանը չէր կարող մերժել նրա խնդրանքը և դրանով իսկ մարդասիրություն է դրսևորել»,-փետրվարի 27-ին «Ինտերֆաքսին» ասել է Կուչերենան:
Նրա կարծիքով՝ այդ քայլով Մոսկվան իրավական գնահատականներ չի տալիս Յանուկովիչի՝ որպես քաղաքական գործչի և պետության ղեկավարի գործողություններին:
Ավելի վաղ Ռուսաստանի իշխանական կառույցների մի աղբյուր ՌԻԱ Նովոստիին հայտարարել է, որ անձնական անվտանգությունն ապահովելու Վիկտոր Յանուկովիչի խնդրանքը բավարարվել է ՌԴ-ի տարածքում: «Այն բանի կապակցությամբ, որ Յանուկովիչը խնդրանքով դիմել է ՌԴ-ի իշխանություններին՝ ապահովելու իր անձնական անվտանգությունը, հաղորդում ենք, որ այդ խնդրանքը բավարարված է ՌԴ-ի տարածքում»,-ասել է աղբյուրը:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
