Նախարարության աշխատակիցները ծանոթանում են

Հայաստանում գործող ապահովագրական ընկերություններն առողջապահության նախարարության աշխատակիցներին են ներկայացնել ՀՀ կառավարության կողմից ընդունված սոցիալական փաթեթում ներառված բժշկական ապահովագրության ծառայությունների վերաբերյալ իրենց առաջարկները: Այս մասին ասված է ՀՀ առողջապահության նախարարության պաշտոնական կայքում զետեղված հաղորդագրության մեջ։

Նախարարության աշխատակիցները ծանոթացել են առաջարկվող փաթեթներին, ներկայացրել են իրենց հետաքրքրող հարցերը, ստացել դրանց պատասխանները:

Ապահովագրական ընկերությունների ներկայացուցիչները մանրամասնել են իրենց կողմից առաջարկվող բժշկական ծառայությունների առանձնահատկությունները:

Այսպիսով՝ ՀՀ առողջապահության նախարարության աշխատակիցները հնարավորություն կունենան ընտրելու ապահովագրական այն ընկերությունը, որի առաջարկները կբավարարեն պահանջները: