Պուտինն ու Օբաման քննարկել են Ուկրաինայում ստեղծված իրավիճակը

ՌԴ նախագահ Վլադիմիր Պուտինն ԱՄՆ նախագահ Բարաք Օբամայի հետ քննարկել է Ուկրաինայում ստեղծված իրավիճակը' ուշադրություն հրավիրելով Ուկրաինայի ներկայիս ղեկավարության կողմից երկրում իրականացվող հանցագործությունների վրա: Այս մասին տեղեկացնում է «Ռիա Նովոստին»: ՌԴ նախագահը շեշտադրել է Ուկրաինայի տարածքում գտնվող իրենց հայրենակիցներին սպառնացող հնարավոր վտանգը: «Երկրի ղեկավարն ընդգծել է, որ Ուկրաինայի արևելքում և Ղրիմում բռնությունների տարածման դեպքում ռուսական կողմն իրեն իրավունք կվերապահի պահպանել իր և ռուսալեզու բնակիչների շահերը»,- Պուտինի խոսքն է հստակեցնում ՌԴ նախագահի պաշտոնական կայքում տեղադրված հայտարարությունը: