«Մեծ ութնյակի» 7 երկիր սառեցրել է Սոչիում կայանալիք գագաթնաժողովի նախապատրաստական գործընթացը

Ինչպես հայտնում է UNIAN-ը, «Մեծ ութնյակի» 7 երկիր դադարեցրել է իր մասնակցությունը Սոչիում կայանալիք գագաթնաժողովի նախապատրաստությունները: Այս մասին ասված է «Մեծ յոթնյակի» հայտարարության մեջ:

Դրանում ընդգծվում է, որ G8-ի գագաթնաժողովի նախապատրաստումը կասեցվում է:

«Նշենք, որ Ուկրաինայում Ռուսաստանի գործողությունները խախտում են նաև այն սկզբունքներն ու արժեքները, որոնց վրա հիմնվում են G7-ը և G8-ը: Այսպիսով` մենք որոշել ենք առայժմ կասեցնել մեր մասնակցությունը այն գործունեությանը, որը կապված է G8-ի հունիսին Սոչիում պլանավորված գագաթնաժողովի նախապատրաստման հետ»:

Հայտարարության մեջ նշվում է նաև, որ Իտալիայի, Կանադայի, Մեծ Բրիտանիայի, Գերմանիայի, ԱՄՆ-ի, Ֆրանսիայի և Ճապոնիայի առաջնորդները դատապարտում են Ուկրաինայի հանդեպ Ռուսաստանի ծավալած գործողությունները` կոչ անելով  Մոսկվային բանակցություններ սկսել Կիևի հետ:

Նշենք, որ G7-ի երկրները հայտարարել են նաև, որ աջակցում են Ուկրաինայի ինքնիշխանությանն ու տարածքային ամբողջականությանը: