Սիրիական բանակը վերականգնել է Դեր Զորի Հուիջա ալ Մարիյա գյուղի անվտանգությունը
Մերձավոր Արևելք
Սիրիական բանակը վերականգնել է Դեր Զորի Հուիջա ալ Մարիյա գյուղի անվտանգությունը և կայունությունը՝ ոչնչացնելով մեծ թվով զինյալների: Այս մասին հաղորդում է սիրիական ՍԱՆԱ գործակալությունը:
Զինյալները հարձակվել են Դեր Զոր-Թադմուր շրջանների գազատարի վրա և պայթեցրել այն: Պայթյունը տեղի է ունեցել աթ Թիմ շրջանում: Սիրիայի Նավթի և հանքային ռեսուրսների նախարարությունը նշել է, որ պատճառած վնասի չափը կազմում է 200 միլիոն սիրիական լիրա: Պայթյունի հետևանքով 2.5 միլիոն խորանարդ մետրի չափով գազի արտահոսք է եղել:
Դեր Զորի շրջանի Ռաշիդին թաղամասում տեղի ունեցած բախումների հետևանքով «Ջաբհա ան Նուսրա» խմբավորման տասնյակ անդամներ են սպանվել, ոչնչացվել է նրանց թաքստոցը: Զինյալները լուրջ կորուստներ են կրել նաև Հուիկա, Սինաա թաղամասերում տեղի ունեցած բախումների հետևանքով:
«Ալ Ջազիրան» իր հերթին տեղեկացնում է, որ Սիրիայի ազատ բանակը հսկողություն է հաստատել Դեր Զորի ռազմական օդանավակայանի մերձակայքում գտնվող մի քանի շրջանների վրա:
ՄԱԿ-ի տվյալներով` Սիրիայում եռմայա հակամարտության ընթացքում զոհերի թիվը գերազանցել է 120 հազարը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
