Կոնգրեսականները կոչ են արել Օբամային՝ քննարկել G8-ից «Ռուսաստանի հեռացման հարցը»

Ի նշան Ուկրաինայում Ռուսաստանի գործողությունների դեմ բողոքի Սոչիում «ությակի»՝ հունիսին կայանալիք գագաթնաժողվին մասնակցելուց հրաժարվելու և ՌԴ-ի դեմ պատժամիջոցներ սահմանելու՝ Բարաք Օբամայի վարչակազմին ուղղված կոչով բանաձևի նախագիծն ուղարկվել է ԱՄՆ-ի Կոնգրեսի ներկայացուցիչների պալատի լրիվ կազմի քննարկմանը: Մարտի 6-ին փաստաթուղթը, որը պատրաստել են հանրապետական կոնգեսական Էդ Ռոյսը և նրա գործընկեր դեմոկրատ կոնգրեսական Էլիոտ Ին գելը, միաձայն հավանության է արաժանացել արտաքին գործերի կոմիտեի կողմից:

Փաստաթղթի հեղինակներն ԱՄՆ-ի նախագահին և մյուս առաջատար երկրների ղեկավարներին առաջարկում են հրաժարվել «ությակի»՝ հունիսին Սոչիում կայանալիք գագաթնաժողովին մասնակցելուց և նույն այդ ժամանակ, բայց այլ վայրում գումարել «յոթնյակի» խորհրդակցություն և «քննարկել» Ութի խմբից «Ռուսաստանի հեռացման հարցը»:

Կոնգրեսականները նաև կարծում են, որ Միացյալ Նահանգները պետք է իր դաշնակիցների հետ քննարկի «Ռուսաստանի Դաշնության բարձրագույն պաշտոնատար անձանց դեմ այցագրային, ֆինանսական, առևտրական և այլ պատժամիջոցների սահմանման հնարավորությունը»:

Մարտի 2-ին «ությակի» գծով Ռուսաստանի գործընկերներն արդեն հայտարարել են, որ դադարեցնում են Սոչիի գագաթնաժողովի նախապատրաստումը, որը պլանավորված է հունիսի 4-5-ը: Իսկ մարտի 6-ին ԱՄՆ-ի նախագահը հայտարարել է, որ ստորագրել է հրամանագիր, որը «նախատեսում է պատժամիջոցներ այն առանձին անձանց և կազմակերպությունների դեմ, որոնք պատասխանատվություն են կրում Ուկրաինայի ինքնիշխանության և տարածքային ամբողջականութան խախտման կամ ուկրաինացի ժողովրդի ակտիվների հափշտակման համար»:

Վարչակազմի ներկայացուցիչները պարզաբանել են, որ պատժամիջոցների ստեղծված մեխանիզմն առայժմ գործի չի դրված և Ռուսաստանի պաշտոնատար անձանց «սև ցուցակներ» չեն կազմվել: Պատժամիջոցների գործնական կիրառումը կախված կլինի իրադարձությունների հետագա զարգացումից: