ԱՄՆ-ից տարիներ և միլիարդներ կպահանջվեն Սնոուդենի մերկացումների հետևանքները վերացնելու համար. Պենտագոն
Աշխարհ
ԱՄՆ-ի բարձրաստիճան զինվորական պաշտոնյան հայտարարել է, որ Էդուարդ Սնոուդենի մերկացումների հետևանքով բանակին հասցված վնասի վերացումը կարող է պահանջել երկու տարի և միլիարդավոր դոլարներ: Այս մասին հայտնում է BBC-ին:
ԱՄՆ-ի շտաբների պետերի միացյալ կոմիտեի նախագահ Մարտին Դեմփսին Կոնգրեսի կոմիտեին պատմել է, որ Կենտրոնական հետախուզական վարչության նախկին աշխատակցի կողմից հափշտակված մեծ թվով փաստաթղթեր վերաբերում են ԱՄՆ-ի ռազմական ներուժին, ռազմական գործողություններին ու մարտավարությանը: Նրա խոսքով՝ մերկացումների հետևանքները հաղթահարելու համար ստեղծվել է հատուկ աշխատանքային խումբ:
Համակարգչային տեխնոլոգիաների մասնագետ Սնոուդենը, որը կարողացել է տիրանալ հատուկ ծառայությունների աշխատանքին վերաբերող գաղտնի տեղեկություններին, դրանք հրապարակել է այն բանից հետո, երբ անցյալ տարվա մայիսին փախել է ԱՄՆ-ից:
Հունիսից նա ապրում է Ռուսաստանում, որտեղ ժամանակավոր ապաստան է ստացել մեկ տարի ժամկետով: ԱՄՆ-ը պահանջում է հանձնել Սնոուդենին, որպեսզի նրան դատի լրտեսության մեղադրանքով:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
