Կրկին վկայություն փորձիր
Իրավունք
Այսօր Կենտրոն և Նորք–Մարաշ առաջին ատյանի դատարանում տեղի ունեցած ՀԱԿ ակտիվիստների դատավարության ընթացքում ցուցմունք են տվել վկա ոստիկաններ Կարեն Հովսեփյանը և Էրիկ Պողոսյանը: Վկա Կարեն Հովսեփյանը փաստաբանների հարցադրումների ընթացքում խոստովանել է, որ Կենտրոնի ոստիկանական բաժնում, առանց հիմնավորման, ստիպողաբար սենյակից-սենյակ է տեղափոխել ամբաստանյալ Արտակ Կարապետյանին: Արտակ Կարապետյանն իր ցուցմունքում նշել էր որ «օպեր Կարենը»՝ նույն ինքը Կարեն Հովսեփյանը, իրեն մեկ այլ սենյակ տեղափոխելով ու առանձնացնելով նույն սենյակում գտնվող իր ընկերներից՝ ոտքերով ու ձեռքերով հարվածել է իրեն:
Մյուս վկա-ոստիկան Էրիկ Պողոսյանն էլ նշել է, որ ոստիկանական բաժնում տեսնելով ՀԱԿ ակտիվիստներին՝ մի կողմ է քաշվել, որպեսզի խուսափի կոնֆլիկտից: Ամբաստանյալ Տիգրան Առաքելյանը վկա Էրիկին հիշեցրել է, որ 2009 թվականին նույն Էրիկ Պողոսյանը, որպես տուժող, ցուցմունք էր տվել ամբաստանյալ Տիգրան Առաքելյանի գործով, որ իբր Տիգրանն իրեն ծեծել էր, սակայն հենց այդ նույն գործով Տիգրան Առաքելյանն արդարացվել էր, իսկ Էրիկ Պողոսյանը սուտ ցուցմունք տալու համար որևէ կերպ չէր պատժվել: Հիմա այդ նույն ոստիկանը մեկ այլ գործով կրկին ցուցմունք է տալիս Տիգրան Առաքելյանի դեմ:
Հիշեցնենք, որ հաջորդ նիստը կկայանա վաղը՝ փետրվարի 28-ին:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
