ՖԻՖԱ-ն աշխարհի 2018 և 2022 թթ. առաջնությունների հետաքննության արդյունքները կհրապարակի հաջորդ շաբաթ

Ֆուտբոլի միջազգային ֆեդերացիան հաջորդ շաբաթ կարող է հրապարակել ֆուտբոլի աշխարհի 2018 և 2022 թվականների առաջնությունների հետ կապված հետաքննության վերջնական որոշումը: «Այս հարցի վերաբերյալ պաշտոնական որոշում կհրապարակվի, ամենայն հավանականությամբ, հաջորդ շաբաթ»,- «Արմենպրես»-ի հաղորդմամբ, ասել է ՖԻՖԱ-ի էթիկայի հանձնաժողովի նախագահ Հանս-Յոահիմ Էկերտան:

Ընտրությունների արդյունքում 2018 թվականի առաջնությունը կընդունի Ռուսաստանը, իսկ 2022-ը` Քաթարը: Դեռևս գարնանը բրիտանական ԶԼՄ-ները մեղադրանք էին ներկայացրել ՖԻՖԱ-ի գործադիր կոմիտեի անդամներից մեկին, ով կասկածվում էր մոտ 2 միլիոն դոլար կաշառքի միջոցով 2022 թվականի ԱԱ-ի երկիրն ընտրելու մեջ: