Լավրովն ու Քերին քննարկել են Սիրիայի հակամարտության կարգավորմանն ուղղված քայլերը
Աշխարհ
Ռուսաստանն ու ԱՄՆ-ն քննարկել են Սիրիայում քաղաքական վիճակը, և ամերիկյան կողմն ընդունել է այն փաստարկը, որ սիրիական ընդդիմությունը կառավարության հետ բանակցություններում ձևավորված է եղել տարբեր կոալիցիաներից: Այս մասին հայտնել է ՌԻԱ Նովոստին՝ վկայակոչելով ՌԴ ԱԳ նախարար Սերգեյ Լավրովին՝ Ջոն Քերիի հետ Պեկինում կայացած հանդիպումից հետո:
«Քննարկեցինք բանակցությունների քաղաքական գործընթացի վերսկսման անհրաժեշտությունը սիրիական կառավարության և ընդդիմության միջև: Պետքարտուղարը համաձայնեց մեր վաղեմի թեզին այն մասին, որ սիրիական ընդդիմությանը ներկայացնեն տարբեր խմբեր, այլ ոչ միայն ազգային կոալիցիան, որը բաղկացած է այնպիսի մարդկանցից, որոնք վաղուց արդեն հեռացել են Սիրիայից և երկար ժամանակ այնտեղ չեն եղել: Կա նաև ներքին ընդդիմություն, քաղաքական միավորներ»,-ասել է Լավրովը:
Լավրովի խոսքով՝ պետք է հասնել այն բանին, որ ընդդիմությունը ներկայացուցչական լինի:
Հանդիպման ընթացքում քննարկվել են նաև այն քայլերը, որոնք Ռուսաստանը, ԱՄՆ-ն և տարածաշրջանի երկրները պետք է ձեռնարկեն սիրիացիների միջև ազգային երկխոսության համար, ինչպես նախատեսվում էր դեռևս 2012թ.-ի հունիսի 30-ի Ժնևյան հայտարարության մեջ:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
