Մագնուս Կարլսենն անհամբերությամբ է սպասում Անանդի հետ մրցախաղին

Շախմատի աշխարհի չեմպիոն Մագնուս Կարլսենն անհամբերությամբ է սպասում Անանդի հետ շախմատային թագի համար պայքարի մեկնարկին: «Շնորհակալ եմ Ռուսաստանին հրավերքի համար: Ես մեծ անհամբերությամբ եմ սպասում պարտիայի մեկնարկին: Ինձ համար ոչ մի նշանակություն չունի, թե ում են համարում ֆավորիտ: Ամեն ինչ կորոշվի, երբ մեն ք կնստենք խաղատախտակի առաջ: Եթե լավ չխաղաս, ապա չես էլ կարողանա հաղթել»,-ասել է Կարլսենը:

Աշխարհի նախկին չեմպիոնը ' Վիշի Անանդը, նույնպես իր գոհունակությունն է հայտնել Ռուսաստանին' մրցախաղը կազմակերպելու համար: «Ինձ դուր է գալիս խաղալ Ռուսաստանում: Երկար ժամանակ' մոտ 18 տարի ես խաղացել եմ միայն Մոսկվայում: Ես նույնպես անհամբեր եմ մրցախաղի մեկնարկի համար»,-«Արմենպրես»-ի հաղորդմամբ, ասել է Անանդը:

Շախմատի աշխարհի չեմպիոն Մագնուս Կարլսենն աշխարհի չեմպիոնի թագի համար պայքարը կսկսի սև խաղաքարերով: Սոչիում կայացած բացման պաշտոնական արարողության ժամանակ որպես գործող չեմպիոն առաջինը իր համար մեկնարկային խաղի խաղաքարերի գույն է ընտրել Մագնուս Կարլսենը: Անանդը կկատարի աշխարհի այս առաջնության առաջին քայլը: Նոյեմբերի 8-ին կխաղացվի առաջին պարտիան: Մրցախաղը կկայանա Սոչիի օլիմպիական խաղերի համար կառուցված լրատվական կենտրոնում' Սև ծովի ափին: