Դևիդ Բեքհեմի 15-ամյա որդին պայմանագիր է կնքել Լոնդոնի «Արսենալի» հետ

Անգլիայի ազգային հավաքականի նախկին ֆուտբոլիստ Դևիդ Բեքհեմի որդին՝ Բրուքլին Բեքհեմը, սկսել է ֆուտբոլային կարիերան Լոնդոնի «Արսենալում»: Այս մասին հայտնում է The Daily Star Sunday-ն: 

15-ամյա խաղացողի հետ պայմանագիրը կնքվել է մինչ ընթացիկ մրցաշրջանի ավարտը: Եթե Բրուքլինը կարողանա իրեն լավ դրսևորել, ապա «կանոնիրները» նրա հետ բազմամյա պայմանագիր կկնքեն: 

Հաղորդվում է նաև, որ «Արսենալին» հաջողվել է համաձայնության գալ ֆուտբոլիստ հետ, չնայած այն բանին, որ նրա նկատմամբ հետաքրքրություն են ցուցաբերել՝ ինչպես «Չելսին», այնպես էլ «Մանչեսթեր Յունայթեդը»: Երիտասարդ ֆուտբոլիստի հայրն իր կարիերայի ընթացքում 14 տարի խաղացել է «Կարմիր սատանաների»  կազմում, և ենթադրվում էր, որ Բրուքլինն իր կարիերան կսկսի հենց «Մանչեսթեր Յունայթեդում»: 

Ավելի վաղ, Բեքհեմների ընտանիքի ավագ որդին իրեն փորձել է ֆոտոմոդելի աշխատանքում, մասնավորապես նկարահանվելով Man About Town ամսագրում: 

Բրուքլինից բացի, լոնդոնյան ակումբի կազմում հանդես է գալիս Բեքհեմի մյուս որդին ևս՝ 12-ամյա Ռոմեոն: Նա ներկայացնում է մինչև 13 տարեկանների թիմը: