Pink Floyd խումբը թողարկել է հրաժեշտի ալբոմը

Բրիտանական Pink Floyd ռոք-խմբի երաժիշտները թողարկել են The Endless River հրաժեշտի ալբոմը: Այս մասին, ինչպես տեղեկացնում է «Արմենպրես»-ը, հաղորդվել է խմբի կայքում:

«Նոր ալբոմը կազմված է այն ստեղծագործություններից, որոնք ձայնագրվել են տակավին 1993 թվականին The Division Bell սկավառակի համար: 2013 թվականին Դևիդ Գիլմորը և Նիկ Մեյսոնը որոշել են թողարկել ձայնապնակ այն կոմպոզիցիաներով, որոնք չեն մտել այդ ալբոմի մեջ: Այդ ձայնապնակը դարձել է կոլեկտիվի վերջին աշխատանքը»,- ասված է հաղորդագրության մեջ:

Կիթառահար Դևիդ Գիլմորը և թմբկահար Նիկ Մեյսոնն այս ալբոմը նվիրել են ստեղնահար Ռիկ Ռայթին, որը մահացել է 2008 թվականին: Ձայնապնակը դարձել է կոլեկտիվի առաջին խոշոր աշխատանքը վերջին 20 տարում: Գիլմորի ձայնը կարելի լսել Louder Than Words թրեկում, ևս երեքում նա ձայնագրվել է բեք-վոկալում: Ռայթը հասցրել է մասնակցել 12 երգերի ձայնագրություններին:

Pink Floyd խումբը կազմվել է 1965 թվականին: Իր գոյության ընթացքում կոլեկտիվը ձայնագրել է 14 ստուդիական ալբոմ: