Բահամյան կղզիներում 9 մարդ է զոհվել ինքնաթիռի կործանման հետևանքով

Բահամյան կղզիներում կործանվել է Lear 36 Executive Jet թեթեւշարժիչավոր ինքնաթիռը, որում եղել է 9 մարդ: Ինչպես տեղեկացնում է «Արմենպրես»-ը, հղում անելով Associated Press-ին, նրանք բոլորը զոհվել են:

Տրանսպորտի և ավիացիայի նախարարության հայտարարության համաձայն՝ ինքնաթիռը մեկնել էր Նասաու մայրաքաղաքից չվերթ էր իրականացնում դեպի Ֆրիպորտ քաղաք, որտեղ նրա ուղևորները պետք է մասնակցեին Global Conference խորհրդաժողովին:

Օդանավն աղետի է ենթարկվել Երևանի ժամանակով նոյեմբերի 10-ին ժամը 01:00-ին Մեծ Բահամ կղզու միջազգային օդանավակայանում վայրէջք կատարելու փորձի ժամանակ: Ինչպես նշում են տեղական ԶԼՄ-ները, ինքնաթիռը հարվածել է նավաշինարանի կռունկին:

Օդանավի կործանման պատճառներն առայժմ պարզված չեն, կատարվում է հետաքննություն: