«Ես ինչ է՝ մարմնավաճառի՞ եմ նման». Կիկաբիձեն՝ ՌԴ-ում ելույթ ունենալու առաջարկների մասին
Հասարակություն
Վրացի երգիչ և դերասան, «Միմինո» դիլմի աստղ Վախթանգ Կիկաբիձեն երկար տարիներ հրաժարվում է Ռուսաստանում ելույթ ունենալու բազմաթիվ առաջարկներից: Այս մասին գրել է Обозреватель-ը։
«Ես ինչ է՝ մարմնավաճառի՞ եմ նման։ Ինչպե՞ս կարող եմ ընդունել այդ առաջարկները, եթե Թբիլիսիից 30 կմ հեռավորության վրա մետաղական պատնեշներ են»,- ասել է դերասանը՝ նկատի ունենալով սահմանը, որը բաժանում է Վրաստանն ու Հարավային Օսիան։
Արտիստը նաև կարծում է, որ Ռուսաստանը դեռ երկար ժամանակ հանգիստ չի թողնի Վրաստանը:
«Մեր քաղաքական գործիչները հրաժարվում են ընդունել, որ փորձում են բարելավել Ռուսաստանի հետ հարաբերությունները, սակայն զգացվում է, որ մեզ վրա կրկին սկսել են ճնշում գործադրել»,- ասել է Կիկաբիձեն։
Նա նաև խորհուրդ է տալիս ուկրաինացիներին երկրի համար դժվարին շրջանում համախմբվել՝ ձեռք ձեռքի բռնած։
Արտիստի խոսքով՝ Մայդանի դեպքերն ինքն ընդունել է այնպես, կարծես այդ ամենը տեղի է ունեցել ոչ թե Կիևի կենտրոնում, այլ իր հարազատ Թբիլիսիում՝ Հանրապետության հրապարակում։ Նա բազմիցս նշել է, որ միայն տարիքն է իրեն խանգարել կանգնել ուկրաինացիների կողքին Մայդանում։
«Վրացիները, ինչպես և բոլոր լավ մարդիկ, աջակցում են Ուկրաինային։ Բոլոր ուկրաինացիները պետք է ձեռք ձեռքի բռնեն այս դժվար պահին»,- նշել է Կիկաբիձեն։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
