ԱՄՆ-ում չորսամյա երեխան ողջ է մնացել 70-մետրանոց ժայռից ընկնելուց հետո

Կալիֆոռնիայի Սոնոմայի օկրուգում 70-մետրանոց ժայռից ընկնելուց հետո ողջ է մնացել չորսամյա երեխան: Այդ մասին, ինչպես տեղեկացնում է «Արմենպրես»-ը, հայտնել են Բոտեգա Բեյ քաղաքի ոստիկանության ներկայացուցիչները:

Երեխան հոպիտալացվել է լուրջ վնասվածքներով: Բժիշկները նրա վիճակը գնահատում են ծանր:

Ոստիկանությունը պատահարի վայր է ժամանել տեղական ժամանակով ժամը 17:00-ին (Երևանի ժամանակով ժամը 05:00-ին) և հատուկ տեխնիկայի միջոցով երեխային բարձրացրել է վերև: «Նա ողջ էր և լաց էր լինում»,- պատմել են ոստիկանությունում: «Այն, որ նա ողջ է մնացել այդ բարձրությունից ընկնելուց հետո, իսկ դա գործնականում 23 հարկ է, իսկական հրաշք է»,- կարծում են կարգի պահապանները:

Միջադեպը տեղի է ունեցել Սոնոմայի բնայգու այն ժայռերի վրա, որոնք ուղղված են դեպի Խաղաղ օվկիանոսը: Քննիչներն աշխատում են երեխայի ծնողների հետ՝ պարզելու միջադեպի հանգամանքները, հաղորդել է ՏԱՍՍ-ը: