Միջազգային դաշինքի ռմբակոծության հետևանքով Սիրիայում սպանվել է 865 մարդ
Աշխարհ
ԱՄՆ-ի գլխավորությամբ միջազգային դաշինքի օդային հարվածների հետևանքով Սիրիայում զոհվել է 865 մարդ, այդ թվում՝ 50 խաղաղ բնակիչ: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, այս մասին տեղեկացրել է Սիրի այի մարդու իրավունքների պաշտպանության մոնիթորինգի կենտրոնը՝ հրապարակելով, որ զոհերից 747-ը «Իսլամական պետության» անդամներ են: Զոհված 50 խաղաղ բնակիչների թվում գրանցվել են 8 երեխա և 5 կին:
Օդային ռմբակոծության հետևանքով նաև սպանվել են «Ջաբհա ան Նուսրա» խմբավորման 68 անդամ:
Ամերիկյան օդային ուժերը Սիրիայում ԻՊ-ի դեմ ռազմական գորխծողություններն սկսել են սեպտեմբերի 23-ից: Սիրիայում ԱՄՆ-ի օդային ուժերի հետ ռազմական գործողություններին մասնակցում են Սաուդյան Արաբիան, ԱՄԷ-ն, Հորդանանը և Բահրեյնը:
«Իսլամական պետությունը» համարվում է խոշորագույն ահաբեկչական կազմակերպություններից մեկն աշխարհում: Կազմակերպությունը 2014թ. հունիսին հայտարարել է Իսլամական խալիֆաթ ստեղծելու մասին՝ կարճ ժամանակում հսկայական տարածքներ գրավելով Սիրիայում և Իրաքում:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
