Բարաք Օբամայի ընտանիքը 2013 թվականին 200 հազար դոլարի նվերներ է ստացել

2013 թվականին ԱՄՆ-ի նախագահ Բարաք Օբամայի և նրա ընտանիքի անդամների ստացած նվերների ընդհանուր արժեքը գնահատվել է ավելի քան 200 հազար դոլար, տեղեկացնում է «Արմենպրես»-ը: Ամերիկյան օրենքներին համապատասխան՝ դրանք բոլորը հանձնվել են գանձարան, իսկ դրանց, ինչպես նաև մյուս պաշտոնատար անձանց ստացած նվերների վերաբերյալ հ աշվետվությունը կազմել է ԱՄՆ-ի պետդեպարտամենտի արարողակարգի ծառայությունը: Նվերների թվում է սպիտակ ոսկուց ոսկերչական իրերի հավաքանին՝ զարդարված դեղին շափյուղաներով և ադամանդներով՝ ավելի քան 71 հազար դոլար արժողությամբ, որն ԱՄՆ-ի առաջին տիկին Միշել Օբամային նվիրել է Բրունեյի սուլթանի տիկինը:

Նվերների թվում են նաև նկարներ և արձանիկներ, գրքեր և հուշաալբոմներ, սկահակներ, գորգեր: Ոմանք նվիրել են ազգային տարազ. օրինակ՝ Մարոկոյի թագավորը նվիրել է երկու զույգ արևելյան կոշիկ և երեք կապա: Օբամային մատուցված ամենայուրօրինակ նվերների թվում են կանաչ-դեղին գույնի բասկետբոլային անվանական մարզաշապիկը Լիտվայի նախագահից և զեբրի կաշվից գորգը Տանզանիայի ղեկավարից, հաղորդել է ՏԱՍՍ-ը: