Խորհրդարանի նիստին Սաաակաշվիլիի կուսակիցները մասնակցել են վերնաշապիկներով
Աշխարհ
Վրաստանի նախկին իշխող «Միացյալ ազգային շարժում» կուսակցության պատգամավորները Թբիլիսիում կայանալիք բողոքի ակցիայի կապակցությամբ երեկ խորհրդարանի նիստին ժամանել են «Ո՛չ անեքսիային» գրառումով վերնաշապիկով: Այս մասին գրել է «Новости-Грузия»-ն:
Միխեիլ Սաակաշվիլիի կուսակցությունն արդեն Թբիլիսիի քաղաքապետարան է ներկայացրել նոյեմբերի 15-ին Ռուսթավելի պողոտայում նախատեսված ակցիայի վերաբերյալ ծանուցում։
Ինչպես նշել են կուսակցությունում, ակցիայի նպատակն է միջազգային հանրության ուշադրությունը հրավիրել Մոսկվայի պլանների վրա, որը ցանկանում է համատեղ զորքեր ստեղծել Սուխումի հետ, ինչպես նաև դժգոհություն արտահայտել իշխող կոալիցիայի գործողությունների վերաբերյալ։
«Մենք շարունակում ենք տեղեկատվական արշավը նոյեմբերի 15-ի կապակցությամբ և կոչ ենք անում բնակչությանը, անկախ քաղաքական հայացքներից, դուրս գալ և մասնակցել խաղաղ ցույցին։ Հասարակությունն ունի ուժ, որպեսզի ստիպի իշխանությանը ճիշտ քայլեր անել»,- նշել է Թբիլիսիի քաղաքապետի նախկին թեկնածու Նիկա Մելիան։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
