«Որևէ մեկին առանձնակի չենք հսկելու». Պորտուգալիայի հավաքականի մարզիչը՝ Հայաստանի հետ խաղի մասին

Պորտուգալիայի հավաքականի գլխավոր մարզիչ Ֆեռնանդու Սանտուշին Հայաստանի հավաքականի դեմ հանդիպման նախախաղային ասուլիսում լրագրողները մի քանի հարց են ուղղել կազմի մասին և արդյոք Պեպեն ու Բրունո Ալվեշն են խաղալու պաշտպանության կենտրոնում, սակայն մարզիչը խուսափել է կազմի մասին պատասխաններից.

«Ինձ համար կարևոր է այն, որ ես երջանիկ մարդ եմ: Մարզում եմ իմ երկրի հավաքականն ու 24 հիանալի ֆուտբոլիստ ունեմ իմ տրամադրության տակ: Բոլոր ֆուտբոլիստներն էլ ինձ մեծ վստահություն են ներշնչում,- ասել է նա մեկնարկում: - Գիշերը շատ լավ կքնեմ, քանի որ գիտեմ, որ այն 11 ֆուտբոլիստներն, ովքեր դաշտ դուրս կգան, հիանալի կկատարեն իրենց աշխատանքը»:

Ֆեռնանդո Սանտուշն ընդգծել է, որ երկու կամ երեք հարձակվողով խաղալն էական չէ և խաղային համակարգը չի վճռորոշը հաջողության հասնելու գործում. «Ինձ համակարգը շատ քիչ է բան է ասում: Խաղաս դասական 4x4x2, 4x3x3 կամ 3x5x2: Ամենակարևորը խաղային դինամիկան է: Գիտենք, որ հակառակորդը պաշտպանվում է հինգ ֆուտբոլիստով, հետևաբար շատ ֆուտբոլիստներ է պահում գնդակից հետ, այնպես որ ավելի հաճախ կտեսնենք 4x3x3 կամ 4x4x2 խաղացով թիմ: Բայց կցանկանայի տեսնել 3x3x4 մարտավարությամբ խաղացող թիմ,- կատակել է մարզիչը: - Երեք հոգի պաշտպանությունում, երեք հոգի կիսապաշտպանությունում, երեք հոգի մրցակցի տուգանային հրապարակում և մեկ հոգի, ով գնդակներ կփոխանցի տուգանային հրապարակ»:

Այն հարցին, թե արդոք որևէ ֆուտբոլիստի նկատմամբ անհատական հսկողություն լինելու է թե ոչ, Սանտուշը պատասխանել է. «Մենք հարգում ենք Հայաստանի հավաքականի բոլոր ֆուտբոլիստներին և գիտենք նրանց որակները, սակայն որևէ մեկին առանձնակի չենք հսկելու: Ես երբեք այդ կերպ չեմ խաղացել»,- ասել է մարզիչը:

Մարզիչը հավաստիացրել է, որ Պորտուգալիայի հավաքականը կտարբերվի նախորդ խաղերից. «Եթե հարցնում եք, թե արդյոք մարտավարությունը կտարբերվի Դանիայի դեմ խաղից, ապա այո: Հաստատ տարբեր կլինի: Հուսով եմ, որ մշտապես երկու-երեք ֆուտբոլիստներ կունենամ մրցակցի տուգանային հրապարակում: Հաստատ մեկ հոգի չի լինի»:

totalfootball.am