Հավատում եմ, որ կարող ենք միավորներ վաստակել. Պիզելին՝ Պորտուգալիայի հետ խաղի մասին

Հայաստանի ազգային հավաքականի կիսապաշտպան Մարկոս Պիզելլին նույնպես մասնակցել է Պորտուգալիա-Հայաստան հանդիպման նախախաղային մամուլի ասուլիսին և պատասխանել լրագրողների հարցերին. տեղեկացնում է ՀՖՖ-ի պաշտոնական կայքը:

- Ի՞նչ կարող եք ասել Պորտուգալիայի և Ռոնալդուի հետ դիմակայության մասին:

- Մենք լավ ենք ճանաչում Պորտուգալիայի հավաքականը, լավ գիտենք Ռոնալդուին:

- Վերջին խաղում փոխարինվեցիք և թվաց, թե վնասվածք ունեք:

- Ես հարյուր տոկոսով պատրաստ եմ: Լիովին առողջ եմ, ուղղակի այդ խաղում ընդհարում եղավ, և մարզիչը որոշեց փոխարինել:

- Սերբիայի հետ ոչ-ոքիից հետո հավատո՞ւմ եք, որ Հայաստանը կարող է միավորներ «խլել» նաև Պորտուգալիայից:

- Այո, հավատում եմ: Ինչպես գիտեք, մենք լավ խաղացինք Դանիայում, տանն էլ հաջող հանդես եկանք: Չի բացառվում, որ վաղն էլ միավորներ վաստակենք Պորտուգալիայի դեմ խաղում: