Լեհաստանում մահացած ծեր կինը դիարանում վերակենդանացել է
Աշխարհ
Լեհաստանի զառամյալ բնակչուհին, որի մահը հաստատել է տեղի բժիշկը, անհասկանալի կերպով հարություն է առել, տեղեկացնում է «Արմենպրես»-ը՝ հղում անելով BBC-ին:
91-ամյա Յանինա Կոլկևիչը Լյուբլինի վոյեվոդության Օստրով Լյուբելսկի փոքր քաղաքից հայտարարվել էր մահացած, ինչն արձանագրված է մահվան վկայականում: Հարազատներն սկսել են հուղարկավորության պատրաստություն տեսնել, իսկ հանգուցյալին տեղափոխել են դիարան:
Մի քանի ժամ գտնվելով սառնարանում՝ պարկը, որի մեջ եղել է Յանինա Կոլկևիչի մարմինը, սկսել է շարժվել, ինչով ապշեցրել է դիարանի անձնակազմին:
Ինչպես ավելի ուշ պատմել են կարծեցյալ հանգուցյալի հարազատները, մոտավորապես կեսգիշերին իրենց տանը զանգ է հնչել, շեմին կանգնած է եղել դիարանի ծառայողը, որն էլ պատմել է պառավի հարություն առնելու մասին:
Նրան տարել են տուն, որտեղ Յանինա Կոլկևիչը շարունակել է գանգատվել ցրտից և մի գավաթ տաք թեյ է խնդրել, պատմել է ծեր կնոջ եղբոր աղջիկը:
Գրեթե 30-ամյա պրակտիկայով ընտանեկան բժիշկը, որը հաստատել է պանի Կոլկևիչի մահը, հայտարարել է, թե ինքը լիովին վստահ է եղել, որ նա մահացել է:
Նա չէր շնչում, սիրտը չԷր բաբախում, եւ ոչ մի կասկած չկար, որ նա մահացել է:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
